السلام عليكم ورحمة الله وبركاته
كيف حالكم
موضوع انكتب الف مره
يمكن مره عليك ويمكن لأ
كثير من الاقلام كتبت عن حال المواطن فالدوله
ولكن لاحياة لمن تنادي
اماراتي الغاليه
حبيبت قلبي
تعلمنا واحنا صغار نحبج
ونفداج بارواحنا يا اماراتي
وكبرنا
ويوم عن يوم يزيد حبنا لج
لكن؟؟
شو اللي صار؟؟
صرنا اغراب فيج يا اماراتي؟؟
بلادنا صارت للاجانب والعماله الوافده
ليش؟؟ يالامارات غدا حالج شرات بلاد الغرب
ماتمت جنسيه الا وعششت فيج؟؟
بوظبي ودبي في سباق
من يغلب من في اكثر عدد من ناطحات السحاب
هل فادت المواطن بشي؟؟
مشاريع تقدر ببلاييين الدولارات
ولن تمت للمواطن بشي؟؟
حملات تبرعات بالملايين لاطفال في الخارج؟؟
حلوه التبرعات وشي طيب؟؟
لكن تعالو اول شي تبروعو للمئات اللي تعاني قبل في بلادكم عقب
طرشو الزود حق برع؟؟؟
عايلات تعاني؟؟
بتقول هالكلام ماشي وانتي تكتبين من عندج الحمدلله بلادنا بلاد خير !!
بلادنا بلاد خير؟؟ بلادنا بلاد عطاء ؟؟ والحمدلله
انا بخير وانته بخير وولد عمك وولد خالته وربيعك كلهم بخير؟؟
كل الفئه اللي حوالك بخير ؟؟ والحمدلله
لكن انت تدري بحال الفئه اللي ما تختلط فيها؟؟
كم من مواطن جامعي لازال يبحث عن شغل؟؟
وكم من مواطن يشتغل والراتب هب مكفنه لاخر الشهر؟؟
وكم واحد مديون؟؟
وكم مطلقه وكم ارمله؟؟
يدورون الدرهم ويمتنعون عن ابسط حاجات الدنيا
عشان يوفرون لعمارهم لقمة العيش؟؟
انت ما تدري لكن هم يدرون بحالهم؟؟
تقول الشيوخ هب مقصرين
فعلن هب مقصرين الله يطول بعمرهم؟؟
لكن هم يساعدون ويقدمون مساعداتهم للي يوصل لهم
اوكي في ناس ما يقدرون؟؟
منو يسمعهم؟
روحو الشارجه وراس الخيمه في مناطق تعور القلوب
البيوت متهدمه وحالتها لله ؟؟
صارت بلادنا حق ثلاثه
اللي عنده فلوس
وواسطه
ولعيبة كرة القدم
والهنود احتلو بلادنا بس من تحت لتحت؟؟
ما تمشي في الشارع الا و600 هندي فوقك وتحتك ويمينك ويسارك
روحو عمان شوفو من يشتغل هناك؟؟
انتشرت الجرايم الاخلاقيه والدعاره وعادات دخيله علينا!!
واخر شي نقووول هذا كيف سوا جذه
او هذي كيف تجرات؟؟
ياناس بلادنا هب حقنا؟؟
ياناس بلادنا ظلمت فئه من الناس الله يستر عليهم
واكبر دليل على كلامي
هالمسكينه اللي ماقدرت تتحمل اكثر من لي فيها
http://www.youtube.com/watch?v=4fKl5oJtD
اخر شي حبيت افضفض شوي من لي فيه
اللي عنده تعليق او حاب يضيف اي شي على عيني وعلى راسي
واللي ماعنده ويبا يتفلسف لا يتكلم احسن
سوالم^^
Blog ⁄ لكل مواطن يهمه الامر..
on 26 Apr, 08
الله يعطيج العافيه ... بس ترى هاي حال الدنياالحين تفكيرهم مادي بس.....واذا الهنود احتلوا بلادنا لانهم يعرفون فالبزنس ^^
اقولج يا بنت حلال شكلج انتي من نوع ماركاتوايد اتفلسفين اشكري ربج اول شي بعدين ارمسي و ثاني شي لو لا هنود لا ما عندنا ابراج يعني انتي كه مواطنه تشتغلين فراش و عامل بناء والله كل مواطن يبي مكتب و كرسي و ما يشتغل من ضمير في غيرهم الي يشتغلون بضمير وصلوا للمناسب و اخر كلام لج بلادنا ماعندها غير بترول و سياحة ثاني دخل للبلاد اشكري ربج فلوسهم يصرفون في بلادنا باول و الاخير نحن نستفيد منهم ماي شربج بلاش و حكومة ما اقصر علينا شوفوا ناس الي عايشين خارج بلادنا و حكومه كيف يساعدهم الله عطنا خير و انعام بلادنا بلاد الخير اشكري ربج كونج اماراتية و الي يقول نحن من شارجة او ما عندنا دخل هم الي وصلوا اعمارهم الي هاي مواصيل كامري مزيون ولا رنج ممديون هههههه قصدي ارض الامارت يطلع منها الماس من اقاويل شيخ محمد يعني انت يبالك اتشوف و تتحرك والله و ابواب رزق مفتوح لت خلي غيرج قصدي اجانب يستثمرون هاي فرصة انت كه مواطن او مواطنه من ارض بلاد تطلع الماس انتي تستاهلين اكثر من غيرج فكروا قبل ما ترمسون
هممم...انا موضوعي عن شي وانت ردك عن شي!!! وشو ياب طاري الماركات!!! الله يخليك بس انت وابراجك
هيي والله هذا الحال صار علينا شو بيدنا تكلمنا لين طلعت جبودنا وهذا كل الي نقدر نسويه